蜘蛛肌男

蜘蛛肌男

眾候選亞洲先生噚日喺佐敦攀石場拍外景，前亞姐韓燕都嚟撐場，班亞生剝衫騷肌肉已經睇到有啲厭，今次佢哋扮蜘蛛俠，玩半裸攀石，佢哋着住短褲仔加條安全帶後，下體即刻激凸，其中似足古天樂嘅21號張傳奇拗腰回眸眼神仲好狠。
7號畢萬春同17號黃集鋒身手最敏捷，之前畢萬春話要退選，但亞視唔批准，黃集鋒都話壓力大，惟有將壓力變動力。對於亞視要佢哋去政總反對發免牌電視牌，黃集鋒就話：「嗰日唔知係去支持，我冇政治立場。」
撰文：洪紅克

17號黃集鋒話壓力好大，但會將壓力變成動力喎。
攝影：林德雄

7號畢萬春（左）同9號柯俊威一齊玩激凸。

9號柯俊威只用雙臂支撐身體，果然有料到。

21號張傳奇（左）同26號黃偉燐攞晒姿勢分。