「曝光最強」衞生局局長高永文噚日又出巡，仲帶埋上任十幾日嘅副局長陳肇始（圖）登場，去西灣河健康院打流感針。高局長隆重介紹新副手畀傳媒認識。由港大跳槽嘅陳肇始就話，好高興加入問責團隊，又話目前工作好充實，食物同醫療政策都開始參與。計八方話，副局你點都充實唔過局長。高永文自上任以來又巡骨灰龕，又夜蒲巡酒吧，容乜易操勞過度捱病㗎。前幾日先自爆糖尿指數「踩界」，算半個高危人士啦，打番支流感針打底都啱嘅。