白鴿黨有嚿碧雲（圖）㩒錯掣，唔單止「放生」咗林奮強，更加重秘書處負擔。事緣立法會秘書處即將喺本周四晏晝，搞一場大龍鳳，話要向議員示範電子表決系統，言下之意即係教人點投票。雖然冇講明，但呢個㩒掣訓練班，好明顯專為嚿碧雲而設㗎啦。唔少議員收到通知後都O晒嘴，驚外界誤會佢哋智商有問題。到底最終會唔會只有嚿碧雲出席？家都係未知之數；但確實係失靈投票系統受害人嘅公民黨陳家洛，就要求立法會檢視投票系統，以免有人步佢後塵。