由馮小剛執導、奧斯卡影帝艾德烈邦迪（Adrien Brody）、張國立、陳道明等主演嘅新片《一九四二》，前晚喺羅馬國際電影節舉行全球首映，完場後全場觀眾拍爛手掌達十分鐘，仲有女觀眾睇到激動流淚，就連英國《衛報》都有讚導演馮小剛拍出史詩式嘅創作。一班台前幕後多次向觀眾鞠躬表達謝意，馮小剛、徐帆、製作人王中磊都感動落淚，場面十分感人。