唔少食客都話中環鏞記味道走晒樣，啲燒鵝已經唔再juicy入味，噚日運輸及房屋局局長張炳良就唔理咁多，帶晒成班立法會房屋事務委員會嘅議員去開餐。張良梗係唔驚啦，舉起隻手話自己整親，擔心燒鵝「毒」，所以大條道理，食雞唔食走樣燒鵝。最鍾意食燒鵝嘅民協馮檢基就話，燒鵝肉尚算保持水準，但係燒鵝皮薄咗、韌咗，唔夠以前咁好。佢哋都有問過招呼佢哋嘅部長，場股權官司有冇影響佢哋士氣，部長就好識做話，佢哋只顧做份內事。