「最漂亮廣播處處長」張敏儀噚日出席港台節目《獅子山下》40年啟動禮，同前廣播處處長黃華麒敍舊，張大姐即場踢爆黃華麒當年係純情小生，有次佢執導《獅》，有場打麻雀戲，開拍前，黃不斷喺麻雀枱搵來搵去，工作人員問佢搵乜，佢好認真咁答「搵緊隻十萬」。原來佢一直唔識打麻雀，諗住麻雀有一萬到九萬，應該都有十萬。純情小生同八方講，以前冇乜娛樂，淨係讀書，不過就食過幾年夜粥，識得耍番幾招虎鶴雙形拳，家就學緊八段錦氣功。