教協下個星期日喺立法會廣場搞「爭取中學小班．邁向優質教育」大集會，想請晒全港中學老師嚟同政府講，中學做小班，減師生壓力。不過有老師話擔心星期日攞幾個鐘頭出嚟集會，改唔切簿點算呀？教協會長馮偉華話，教協整咗個「改簿專區」，放幾張枱畀老師改簿改卷，等大家明白老師改卷有幾忙，唔使次次都強硬地抗爭。