MSN自95年誕生後，成功打低ICQ，成為最多人使用嘅即時通訊軟件。不過近年用戶數目不斷下降，由09年3.3億人，跌到得番近1億人。微軟於是決定明年起將MSN同Skype結合，代表MSN今年將完成歷史任務。
今時今日，上網搵人可直接用facebook Messenger，將資料、文件一次過發送，毋須如MSN般先安裝軟件；講手機App，只要電話簿有資料，都可以用Whatsapp傳訊息，但MSN呢？你就要先Login再輸入對方email。話明係「即時通訊軟件」，輸了速度，就輸了一切。
每次MSN更新都越改越差，何解？微軟仲認為自己係做緊軟件而非網絡業務，度橋時唔夠宏觀，對市場需求反應自然慢。
今日重提ICQ與Xanga，冰封的回憶即時泉湧。人類貪新忘舊，為適應社會，「變心」的確無可避免，今日輪到MSN被世界遺棄，只可輕嘆：R.I.P.。
Fifi
本欄逢周二、四刊出