有調查發現，政府上月底推出兩項辣招後，看淡未來兩年樓價嘅市民，由31%增至35%；有興趣買樓嘅比例，亦由24%跌至19%，反映政府控制樓市必升嘅預期初見成效。不過，表示有能力承擔首期及供款嘅市民得番17%，樓價癲到無倫係鐵一般嘅事實，唔該咁多位膠官快啲做嘢，盡早協助無殼一族上樓，咁就功德無量。
發改委上月底發佈《天然氣利用政策》，優先鼓勵居民及車船用氣，剛轉型為氣瓶及壓縮設備商嘅北人印刷（187），大有炒作概念。北人早前宣佈，將獲京城控股注入3間公司資產，包括天海工業、京城香港及京城壓縮機，業務涵蓋氣體儲運裝備及空氣壓縮機產品，其中天海更為內地工業氣瓶一哥，市佔率達45%。3間公司均有盈利墊底，配合國策支持，北人前景值得憧憬。
北人昨收2.65元，升0.8%，創逾一年新高，近期成交明顯增加，反映聰明錢已囤兵，中線回報料相當驚人。
唐牛