有機菜比普通菜至少貴兩成，但有機卻不等於健康。James曾見證有機農場本身無問題，卻受隔籬農田連累，令有機菜的重金屬超標。他認為，蔬菜是否健康，只需看兩個元素：「有冇重金屬？有冇殺蟲水？」
不能盲目相信產品
「呢幾年個個只會問啲菜有機定冇機，其實啲人明唔明食緊乜？」James說。他去年在澳洲投資有機農場，採用有機種子、有機肥料，但竟驗到菜的重金屬含量超標，令他十分震驚。
他指，相隔20公里的隔鄰農場，不是有機耕種，「原來雨水會將農藥帶嚟我哋塊田，而佢哋噴殺蟲水，又會由空氣傳過嚟！」經此一役，他醒悟到不能盲目相信有機產品。
最令他意外的，是內地一個有機農場的蔬菜驗出含老鼠藥，農夫大呼冤枉。他到當地視察後發現，原來農夫怕老鼠偷食種子，在農舍放了一袋老鼠藥，但大雨將袋浸濕，泥土因而受污染，「佢真係冇落老鼠藥，但啲菜就受污染」。
他又舉例說，有些人種有機菜，聲稱用雞糞發酵做天然肥料，但雞隻以前吃蚯蚓、粟米長大，現在吃甚麼呢？「Formula（方式）已經變咗，就算好似以前咁耕種，結果都唔會一樣！」
《蘋果》記者