早前颶風「桑迪」搞到紐約市癱瘓，交通、電力失靈，災民生活受到好大影響。紐約人前鋒安東尼（圖），上周四就決定出一分力，去咗布魯克林區一個重災區做賑災工作。原來呢個叫Red Hook嘅小區，係安東尼度過童年嘅地方，嗰度災情都幾嚴重，冇電力供應，災民又要抵抗寒冷天氣；所以佢不惜以身作則，落手落腳幫手救援，亦好謙咁話自己只係盡一分綿力。