上周五ATP年終賽B組打到最後一輪，首場瑞士天王費達拿（圖）鬥阿根廷嘅迪樸度，後者以強勁嘅發球同正手，打到費天王有氣冇碇唞，最後以盤數2:1贏波出線準決賽，終止費達拿連續3屆年終賽冇輸過波嘅紀錄，認真叻仔。4強鬥英國梅禮嘅費天王賽後大讚長人對手打得好。另一場西班牙嘅費利都以2:1擊敗迪拉沙域，但盤數唔及迪樸度好；迪樸度4強會對住「1哥」迪祖高域。