昆士柏流浪(QPR)同雷丁(Reading)呢對英超難兄難弟,經過上周六聯賽之後繼續未開到齋。雷丁喺主場迎戰諾域治0:0和局收場,近6場聯賽和咗5場;QPR仲衰,作客史篤城0:1輸波,繼續喺榜末沉淪。雷丁之前對新特蘭場波因為場地水浸仲未踢,上周六和諾域治先係佢哋第10場聯賽。喺英超歷史上,歷來只有3支球隊喺頭10場聯賽未贏過嘅情況下,最後可以成功護級,咁睇QPR同埋雷丁都幾危險。