國泰航空（293）見習生出身嘅阿哥、阿姐，通常會調去唔同部門、地區做幾年，前公關一哥程鼎一（Dane）09年中調去澳洲，唔經唔覺過咗三年，今年暑假調去北京睇中國業務，雖然話航空業生意麻麻，但國泰、港龍都計劃明年喺內地加新航點同班次。
暑假已經上任
Dane係接太古A（019）大股東施懷雅家族其中一位太子爺施懷新（Sam Swire）棒，做港龍中國區總經理，暑假已上任，但未熟習新環境，好少蒲頭。佢最近先接受港龍內部刊物訪問，指自己上一次喺北京工作已經係91至94年，當時港龍每周得五班機飛北京，家國泰加港龍每日有九班機，嚟緊仲有大把發展空間咁話。至於太子爺Sam，就調去斯里蘭卡管理種茶種花嘅家族生意James Finlay囉。