看到Alden仔留言：「自殺並唔係解決問題，只係將問題拋畀愛你嘅人，朋友仔互勉之！」結果惹來同學留言：「唔好諗到自殺嘅人咁自私，其實佢有訊息想帶出嚟。科大都冇理過點解佢哋要死。」
學生思維態度
我忍不住插嘴：「死有輕於鴻毛有重於泰山，其實人誰無死？不想在別人的傷口上灑鹽，但自殺能帶出甚麼訊息？控訴科大壓力大逼死學生？明知科大向以壓力大見稱，何以明知還要入讀？是你揀科大不是科大揀你，究竟責任誰屬？科大可以點理？改淺課程降低標準？這還是科大嗎？科大還可能有這樣高的排名嗎？你還有興趣來讀嗎？他日畢業出來社會做事壓力更大，僱主要求高出手低又該怎樣做？問君能死幾多次？要是沒有壓力我們的心臟不會泵血，維持心跳會不會成為我們的壓力？如今的學生思維態度，我替科大祈禱！」同學反駁：「你仔女可能唔喺香港讀書唔知咁多，香港學生對大學嘅選擇係有限制，都係嗰句，揀得科大既，十個有七個都唔係擺a1。另外，科大要理嘅話，方法有好多種，唔係每次send個email就算。每年一個學生自殺你可能接受到，咁每年四個呢？如今香港人思維態度，我替香港祈禱！」總結：「BTW，我對仔女正正在香港讀書，而且大女明年在港考大學，a1選擇就是科大！你應該查查長春藤大學的自殺率再講！讀大學並不是必須更不是必然，大學本來是精英制，不可能個個適合又應該讀。只是文憑量化寬鬆本末倒置做成今日的局面及惡果。既然一開始經已是如此勉強，讀來有何幸福？唔讀大學冇前途？Come on，讀完又有甚麼前途？倒不如學一門手藝或者接受職業訓練更實際。」張慧敏 http://www.facebook.com/HKcareerdoctor