【本報訊】「睇住啲魚日日係咁死，又救唔到……」大埔鹽田仔魚排連日來繼續有大量死魚，損失最嚴重的漁民喜哥無奈說，其魚排內的魚已死了近一半：「咁落去，過年冇魚賣！」
記者昨日所見，喜哥11個魚排內，有5個魚排再浮滿萬條死去的黃鱲䱽，傳出惡臭之餘，還惹來不少蒼蠅。「之前死嗰批成10幾吋長㗎，原本月底拎去賣，家連中型魚都死埋！」他說今批死魚長約6吋，準備轉過另一魚排再養大些，於過年時出售，現在卻血本無歸，其他石斑和龍躉亦出現爛尾、爛鰓情況。
至於疑用大型運沙船，刮起海底污染物致養魚死亡的嘉華英泥廠，近日已改於晚上運作，但情況未有改善。喜哥炮轟英泥廠不負責任：「佢哋竟然叫我哋提供證據，證明係佢哋整死啲魚」。現時受影響的養魚戶，只有等待漁護署安排英泥廠與業界開會，賠償與否仍是未知數。