徐子淇前晚在尖沙嘴出席智行基金年度籌款晚會,戴上1,200萬珠寶、谷4吋事業線,籌得約400萬善款,她謂活動開支與行頭由英皇贊助,善款全數幫助九千個內地愛滋遺孤。
大女送餅慶生
徐子淇月底30歲生日,每年旅行慶祝,今年則捐出六位數字旅費,生日願望只想世界和平,天災減少,大女將送親製的cupcake。在30歲前完成人生多個重要階段,她謂十多歲就工作,青少年時期好短,早婚兼早生BB,過程好快:「10幾年前,心態有30幾歲,家係50幾歲。」
徐子淇自認早熟,與老公李家誠相處好:「佢大我12年,但好似同我差唔多咁,好多興趣、睇法都一樣,女仔早熟,男仔係baby啲,不過佢知識叻過我好多,我好多嘢都請教佢。」
採訪:顏英儀
攝影:陳俊強