新鴻基金融第二代掌舵人李成煌，去年底誠邀離開恒生的梁永祥加盟，以其在華人銀行多年財富管理業務的專長，帶領這間老牌華人經紀行走出困局，轉型為主攻「百萬富翁」的資產管理公司。梁永祥深知在革新使命上，少不了懷疑和不安，但相信明年3月業績公佈時，公司業務將展露曙光。
雖已為公司制定好未來五年發展藍圖，但他坦言人生第一次的「空降」，工作難度較以往更大，甚至假想有人早斷死症，「睇吓你點，呢間公司轉唔到嘅，你咪話我睇死你啦」。他說，「現在要抽出幾個月時間，說服全部投資顧問跟我嘅方向行，建立佢哋嘅信心：唔做就死梗，跟我行就可以行出一個新天地。」做生意的原則從來都不主張打價格戰，提供獨有的增值服務才是致勝之道。希望未來五年財富管理業務與證券收入比例，可由現時的二比八升至平分秋色。
靠打工致富 無膽創業
年屆57歲的梁永祥對工作的熱情絲毫不減，「情況唔變，我會做到65歲。」但他自認從沒想過創業，「呢個世界用力博錢，永遠比唔上用錢博錢嘅回報咁大。但我哋呢啲靠讀書打工致富嘅人，係唔會無啦啦攞兩三千萬走去開間新公司，冒險之餘欠落一身債。」他說，連自己個人資產投資都「冇咁嘅胸襟去博大啲」，亦有「買乜都要申報」的限制，故一直全數交給太太這個家中掌櫃打理，「所以好驚佢飛起我㗎」。