咪以為班荷李活紅星會任由仔女做二世祖，當中唔少已對下一代作嚴格訓練，希望可繼承衣缽。好似大隻佬雲迪素（Vin Diesel），呢排拍緊飛車片《狂野時速》第六集，佢當然弗到漏油，原來佢對4歲囡囡Hania都好着緊，近來呢位老竇趁得閒帶個女去咗北非一個島玩，咪睇妹仔細細粒，居然識得做掌上壓同玩拱橋，睇嚟雲迪素教女有方，擺明想捧個女做打女啦。至於美國諧星積伯克（Jack Black）亦唔簡單，早前佢一家四口出街，6歲大仔Samuel搵阿積條肉臂當單槓咁玩，係咁搖嚟搖去，臂力可見一斑，其實Samuel以前已經成日嗌玩騎膊馬，仲扭計要抱到好鬼高，唔止貪玩仲幾弗㖭，有潛力同老竇拍住上。
