蘇東坡性格豪爽，還非常食得。看林語堂《蘇東坡傳》，他天掉下來當被冚，貶到哪食到哪，更寫詞如《老饞賦》、《食蠔》頌之，激死朝中元老，好睇過旅遊特輯。學他郊遊勞動釋放人體嗎啡安多酚，美景下開爐飲酒食鑊甘，貶官？咩嚟㗎？
記者：陳慧敏 攝影：蔡家輝、周旭文 模特兒：Miki、Issac@Pure Models
組團野炊真風味
被戶外風主持人Jacky封為戶外廚神的Francis，小冰箱內變出水果蔬菜牛扒調味料擺滿一桌，陽光下閃閃生輝。見Francis以意大利Prosecco汽酒代替白酒入饌，有特別原因？Francis：「冇，因為想飲！」煮食份量呢？「冇特定㗎喎，野炊就係比較隨意嘛！」野炊爐火正在慢慢燒，Francis還可摸住酒杯底，邊吹水邊炒菜：「那是一種情趣。一般露營活動，大家輪流煮幾道菜，食吓嘢傾吓偈，朋友又接力，一道一道上。」
宴會直至凌晨，團友個個睡倒，第二朝又食過。最緊要係活動闔府統請，秋冬更佳。Francis：「主要係有咗小朋友後，想搵適合一家大細一齊玩的活動。去郊外最好，小朋友可以通處跑，我哋兩公婆又可以煮吓嘢食或攤抖吓，好過睇戲行商場。」
野炊小貼士
人力有限，郊外野炊控制糧草重量同份量是一門藝術。
1. 以風乾肉代替鮮肉：耐存亦夠輕量，更隨時可以食。
2. 多備錫紙或錫紙盤：用來包着食物已可做出多種煮法如烤、焗。
3. 多備燃料：郊外空曠有風，除風擋外還得多備燃料。
4. 自製驅蒼蠅芹菜：夏天蒼蠅多，可將少量中國芹菜切碎輕揉，置飯桌上即可驅趕蒼蠅，時效約20分鐘。
廚具篇：入門三爐
衣物篇：輕如無物的風褸
山頂山腳，中午同入黑，溫差不小，還隨時下雨。披件棉胎咁厚的衞衣，瀟灑不來。今次我揹起三件最新的超輕防水風衣同羽絨爬上大東山影相，恍如無物，上到山頂還可擋風保暖。
Overlander
網頁： http://www.overlander.com.hk
電話：2117 1810
餐湯：Minestrone意式雜菜湯
煮法：洋葱、紅蘿蔔、茴香頭（或西芹）切碎，橄欖油炒香，加月桂葉及白酒煮至酒精揮發再加水。加切半車厘茄及風乾牛肉慢火煮45分鐘。加字母粉或通粉、意大利青瓜、紅椒及切半車厘茄煮沸，以鹽及黑椒調味，再撒羅勒葉即可。
主菜：Prawn Risotto大蝦意大利飯
煮法：急凍虎蝦去頭去殼留蝦尾殼，剔去蝦腸。蝦頭以橄欖油慢火煎20分鐘，擠出蝦膏並熬出蝦油。雞湯加水煮熱成清湯備用。洋葱、茴香頭切碎以橄欖油炒香，加入Arborio Rice（勿水洗）炒片刻再放白酒煮至酒精揮發，加一勺清湯煮至略為收乾水後再加清湯，重複加湯炒米飯10-15分鐘至八成熟（米粒中心有一點硬），帶黏糊口感。加青豆及薄荷碎。熄火後拌入牛油，以鹽及黑椒調味後上碟。蝦肉以鹽及黑椒調味後以蝦油煎熟連蝦油淋於飯上即可。
主菜：香煎西冷牛扒配藍芝士汁
煮法：厚切西冷牛扒以鹽及黑椒調味，煎至喜好的生熟度，取出蓋好備用。原鍋內加入乾葱（Shallot）碎及整瓣蒜頭，炒香後加入Cider酒煮乾，加入忌廉略煮。放入切碎藍芝士煮溶後以鹽及黑椒調味，淋於牛扒上即可。
甜品：Raspberry & Chocolate Cookies Crumbles
煮法：急凍或新鮮紅莓拌入砂糖置於錫紙盤。朱古力粒曲奇搗碎後撒在紅莓上，加少許牛油放190-200℃焗爐烤20分鐘，佐以Sour Cream即可。
Bonus：極濃芝士火鍋
想輕裝上路，又要給同伴驚喜？得！直接拿出連小木盒的Cream Cheese，用錫紙包好來燒，待芝士溶掉即成囝囝時雨最愛的芝士火鍋。蘸麪包，勁香勁飽肚。
今夜華山論劍
想食，但冇腳？戶外風今晚舉行「燈聚2012」，各路露營愛好者齊集一堂，各展手藝！12月陸續有不同主題如酒精爐之夜、烤焗營、美酒佳餚營等，參加者帶備六至八人份量食物一份即可加入。今晚燈聚食單暫有：日式咖喱配烤餅、荔芋雞煲、西班牙雞肉加帶子加蝦仁炒飯等。淨係識拮菠蘿腸仔？Jacky：「唔緊要！最怕有啲人兩手空空嚟淨食，又話幫手洗碗補數，最後冇晒影。」唔係貪你碟餸，只係互相尊重。星光之下，識多個朋友，營燈前促膝長談，多好。
戶外風．燈聚2012
地點：灣仔西營地
時間：11月10日12nn至11月11日5pm
facebook：戶外風Camp-Style
