香港近年出現「恐慌性買嘢」，樓價太貴買唔起？唔緊要，仲有車位及工廈，一百幾十萬元就有得玩。有齊鐵路完善交通網，本來是車位價格「致命傷」，如今反成賣點，身價普遍超過100萬元。然而，投資非住宅市場要認清風險，「買嘢」之前應該諗真啲。記者：葉淑貞
政府出「辣招」後，暫未受新措施影響的車位買賣再起波瀾，百萬元成交不絕於耳，但近半年車位價已升到瘋癲，辣招只是火上加油。住紅磡的明仔，去年以月租2200元租用半島廣場車位，數月前遷進黃埔花園，見車位月租索價逾3000元，心想不如買一個車位自用當儲錢，豈料「得好少盤，最平都要85萬元，旁邊仲要有兩條大柱，位又窄，我揸咁多年車都覺得難泊！」
屋苑癲價車位隨處見
事實上，黃埔花園車位價升得較急，當上月初沙田第一城及南豐新邨等大型屋苑車位仍徘徊在40、50萬元有交易時，黃埔花園已不斷出現百萬元成交，近海的七期最貴，一律過百萬兼非常缺貨。冷靜下來後，明仔決定放棄座駕，「養車每個月花七、八千，諗真都係減少享受，盡快供完層樓再算。」車位向來因流轉量低兼非必需品，部份更只限同屋苑業主購買，令炒賣價值有限，而租賃市場更屬於經濟寒暑表，但在境內外資金的追捧下，發展商又「配合」推售，令車位成為去周成交主角，當中不乏大手掃貨的投資者。沒有最貴，只有更貴。97前後的車位王，才不過百萬元，如今百萬車位周圍都有，扣除涉及收購重建、富豪擺「玩具」的特殊地理因素外，連一般大型屋苑都出現百萬車位（見附表）。車位收租唔怕惡租客，但租售資訊透明度低，很多租賃甚至冇打釐印。當經濟轉差，車主必然大量消失，影響承接力。車位升幅高，但租金回報完全跟不上，回報可以由8厘跌至4厘，故風險其實很高。