喺今個月2號先出世嘅美斯囝囝堤亞高，已經成為咗阿甲球會紐維爾舊生嘅會員；據舊生表示，呢個決定係由球會同美斯爸爸一齊提出嘅。舊生將會有代表飛赴西班牙，親手將會員文件交畀堤亞高（圖），另外仲會送上一件印有堤亞高名字嘅舊生10號波衫畀呢名新會員㖭。出道於紐維爾舊生嘅美斯，喺舊生踢咗5年青年軍之後，就被巴塞睇中，搖身一變家經已成為球壇巨星。