杜德偉早已有私生子──就是他已創立了兩年的自家潮牌MNA，雖然未有門巿，但服裝近年在I.T發售，暫時以男裝為主，明年籌備推出女裝。杜德偉近日還把工作室搬到新蒲崗，面積3,500呎內有乾坤，有辦公室、影樓、貨倉和陳列室等。
懷舊風吹遍
時裝發燒友杜德偉笑言創業時已踏上不歸路，事事親力親為的他除設計外，還監督辦樣、揀料，甚至試身都跟到足。他說：「創業初期，我拎咗50萬出嚟，造咗批貨全部用唔到，嗰筆錢變咗入門學費，到家都使咗成400萬，以呢季出貨嘅情形嚟睇，算係做到收支平衡。」他打算先守業建立信譽，才朝賺錢邁進。
杜德偉的工作室佈置簡約，最吸引人的絕對是打正50年代懷舊風的陳列室，當中有個小舞台，上面放着重新髹漆的大提琴，旁邊是有58年歷史的古董電視，他說：「呢部電視係我好難至喺美國搵返嚟，約700蚊美金。」杜德偉希望以後開設的專門店都會保留相同特色。這股懷舊風跟衣架上的潮着出奇配合。歌手出身的杜德偉愛時裝，但也不會放棄唱歌演戲，他說：「我唔貪心，好怕周身刀唔係張張利，我相信每樣嘢配合到天時地利人和，就會事半功倍。」
