無官一身輕，正當冧莊做高官嘅林鄭同曾俊華，周不時要出嚟幫屍歪擋箭，退下火線嘅前律政司司長黃仁龍回復自由身，下年1月做番老本行資深大律師。前任行政長官及政治委任官員離職後工作諮詢委員會噚日放行，只要一年內唔接牽涉政府嘅畸士、唔參與政府土地或物業競投，黃仁龍就可以安心做番個普通市民嘞！
而前食物及衞生局政助陳智遠就一次過開旅遊公司同公關公司，自己做董事！不過阿Paul一向冇乜公關技巧，好似上年佢上司梁卓偉調任特首辦主任，八方問佢有冇嘢多謝對方，佢竟然口啞啞，第二日即刻俾傳媒笑佢擦鞋都唔識。希望佢間公關公司生意蒸蒸日上啦。