出租機動艇有利可圖，加上有人撐腰，汀九租艇檔主越做越大。知情者表示檔主向村內有勢力人士繳付入場費後，便一直無視政府部門警告，肆無忌憚霸佔官地做生意，有檔主月入超過六萬元，成為一門有賺無賠的「金蛋」生意。
「有人通水唔驚巡查」
汀九灣泳灘有「藍黃白」三艇檔，各自擁有18至30多艘機動艇，其中以藍檔生意最旺。檔主還佔用汀九村雅麗苑外一幅紅色瓦磚牆圍住的400呎官地，知情者說：「藍艇檔主譚生非原居民，但同嗰度啲勢力人士有交情，每月繳交陀地費，10年前佔用村屋對開官地，買咗18艘船尾摩打機同船出租，每日收入約七千蚊。」黃艇檔主龍哥是原居民，以日租一百元舢舨為主，而機動艇數量雖少，但將船尾機存放泳灘救生員的服務台。龍哥曾經向記者自詡：「我平日都租到十艘舢舨，一日都收成千蚊，加埋周末賺二千零蚊，月入都有兩萬幾啦，使乜中六合彩呀！」白艇檔則不斷被投訴霸佔沙灘官地，生意較為慘淡，檔主曾文根大吐苦水：「我拎晒商業登記拎正牌做生意，人哋就乜都冇，但係只有我不斷被投訴！」雖然近年政府屢接投訴，且多次巡查，但檔主們都能避過票控，「龍哥以前做水警，一有事就有人向佢通水，有巡查唔使驚㗎！」《蘋果》記者