皇馬球星基斯坦奴朗拿度（C朗、圖），固然係球壇嘅當紅炸子雞；不過名氣太大有時都唔係好事，C朗近日接受訪問就話，佢有時都想過番啲平常人嘅生活：「有時我只係想買杯咖啡甚至去麥當勞，都總係有人認到我；不過我知道受歡迎係我成功嘅一部份，我要好好處理佢哋。」咦，C朗咁講就好似唔合理喎！想食麥噹噹，叫司機買咪得囉，再唔係咪叫外賣囉，唔通西班牙冇麥麥送？
