突然辭職唔撈、做到年底就離開政府嘅衞生防護中心總監曾浩輝（圖），噚日以署理衞生署長身份出席葵青區議會會議時，唔見有乜離愁別緒，佢同議員講，過去20年喺政府工作非常快樂，亦都打過好多場硬仗，例如禽流感同沙士；家離開，可以話係「無憾」，好感謝區議會多年嚟畀佢咁多十卜。至於接班，佢話唔成問題，唔通已經向政府推薦心水之選？