游水游出禍，港交所前行政總裁鄺其志一定最有感受。舊年有傳佢因為喺馬會泳池、㩒華人置業副主席劉鳴煒個頭落水而被投訴行為不檢，結果被暫停馬會會籍一年，仲被禁足馬會。事件最新發展係：馬會最終決定褫奪神童志嘅「遴選會員」資格，至於會員資格，就要睇馬會大董點睇。有馬會中人話，當神童志嘅會籍禁制期明年初結束後，要由大董投票決定，畀唔畀佢恢復會籍，家真係未知之數。