馮仁昭四圍超：<br>張穎康娶妻　龔嘉欣搶花球 - 馮仁昭

馮仁昭四圍超：
張穎康娶妻　龔嘉欣搶花球 - 馮仁昭

之前演無綫劇《回到三國》馬國明老友范根嘅張穎康，同拍咗四年拖嘅落選港姐麥雅緻，噚日喺薄扶林嘅伯大尼教堂行禮結婚，趙碩之、龔嘉欣、陳倩揚、鍾一憲及林奕匡等擔任兄弟姊妹團，趙碩之只係輕微露事業線就搶晒鏡。

麥雅緻同張穎康拍拖四年終於修成正果，梗係要咀嘴慶祝。

註冊喊晒

搶花球環節，一班姊妹儀態盡失，最後俾啱啱宣佈同鄧健泓分手嘅龔嘉欣搶到。有傳龔嘉欣同無綫新人許家傑撻着，許家傑噚日都有現身，但龔嘉欣話：「我哋係好兄弟，絕對唔係拍拖。」

趙碩之噚日同麥雅緻嘅好友擔任姊妹，齊齊送佢出嫁。

「范根」張穎康同麥雅緻噚日註冊行禮，新娘子喊到對眼紅晒。

傳撻着嘅龔嘉欣同許家傑大方合照，佢哋話係兄弟冇可能拍拖喎。