這邊廂奧巴馬連任，華爾街即時沽貨贈興，若大家為了奧巴馬「The best is yet to come」而大舉掃貨，今日不幸蟹了，最適合趁水尾做大閘蟹世界。食物質素和服務固然重要，蟹腳更可遇不可求。食蟹最能夠看出朋友「有冇衣食」，最常見係只食蟹膏，蟹肉就放低；有啲食相核突暴殮天物，蟹肉蟹腳四處飛，動輒個半鐘以上的蟹宴，絕對會令你興致盡失，當然，對方也未必忍受到我逐隻蟹腳剪啊剪，認為浪費光陰。某酒店懶有創意推出「拆埋畀你」套餐，Samantha對殘廢餐不敢恭維。近年小朋友被批評自理能力低，全因自小食開殘廢餐。在大牛市長大的股民，或者被市場寵壞，管理賺蝕能力偏低，一旦牛市遠去，分分鐘輸凸。在這個大戶和散戶集體短炒的市道，正是高手現真功夫之時，噚日股市嚇人，失守10日及20日線，一於炒少陣，在調整完畢前先做最好功課。Samantha本欄逢周一、三、五刊出