中國3D數碼（8078）噚日發盈警，預告今年7至9月底三個月虧損較舊年同期減少！咁又係，佢齣港式3D話題電影《一路向西》 9月下旬先正式上映，應該仲未幫到手，虧損減少都仲係虧損，難怪要發盈警。
雖然眾多向西村上春樹粉絲，睇完呢齣被譽為「首個史詩式尋歡報告」嘅電影後，評語好一般，但冇咗之前《3D肉蒲團》雷凱欣人體爆炸呢啲恐怖場面，捧場客多咗。
票房2000萬 市值5542萬
早排先話有強國人來港包場睇呢套戲，10月中票房好似話去到2000萬，以港產三級片來講，算係咁。
暫時唔知《一路向西》幫唔幫到中國3D數碼今年10月至12月嘅季度業績，但呢套戲對股價就肯定冇乜幫助，隻股噚日收報1仙，市值得5542萬元！