搞完立法會選舉，十八區民政專員係時候調位。八方聽聞煲呔舊將、人稱「小Donald」嘅現任北區民政專員陳羿（圖），下個月會由「邊疆」調返添馬艦，但唔係直接服侍狼振英呢位新老闆，而係代替楊碧筠，喺勞工及福利局做副秘書長。副秘書長係D4位，而小Donald原本係D3，換言之今次係「升呢」。但呢個副秘書長位，一啲都唔易做，事關勞福局稍後要搞標準工時。究竟點樣喺商界同勞工界之間攞到平衡？睇怕小Donald都要諗定橋嘞。