樸茨茅夫因為財困，喺09/10球季由英超開始降班到現時喺英甲中下游，效力呢支南部球隊，似乎冇乜前途；不過，世事無絕對，樸茨茅夫嘅領隊艾普頓（圖）就係因為喺財困又唔夠人用嘅情況下，都帶到球隊踢得唔錯，於是被英冠嘅實力分子黑池睇中，委任佢為球隊嘅主帥。雖然只係同佢簽約一年，但36歲嘅艾普頓教老樸都可以教出一片天，都算係咁，難怪佢自己都話好驚訝可以轉飯鑊。