本港現時有1,100個養魚戶，魚產量佔本地食用魚市場約百分之三十。香港水產養殖業總會會長黃容根指，養魚戶經營越來越難，行業漸式微︰「飼料越嚟越貴，萬一遇着海水污染啲魚死晒，就要倒蝕㗎啦！」
膠災至今未獲賠償
黃指香港水域經常出現突如其來的污染物，養魚戶一點保障也沒有，追討賠償更是困難重重，「好似7月揭發嘅膠粒事件，養魚誤吞膠粒死咗好多，但漁民家一毫子賠償都追唔到」。他指政府原答應漁民向中石化等相關機構追討，但實際上至今無甚進展。「最關鍵係魚排買唔到保險，魚穫聽天由命。」黃指由於政府不肯做擔保人，大部份保險公司又不肯承擔風險，養魚戶無法購買保險。亦由於養魚慘淡，不少魚排轉型做悠閒垂釣，「但都好難，因為靠漁民自己搞，政府冇統籌，好難搞得好！」《蘋果》記者