沙膽虹在壹傳媒打工十多年，若然離職，要打別的工，相信極不習慣。最近跟一位亦在集團打工逾十年的離職同事吃飯，他亦感同身受。一小時飯局，略談公司近況之後，亦聽到他暢談打其他工與壹傳媒的分別。「在壹傳媒工作比較自由，最重要有成績，做得掂就OK，做唔掂就起身，簡簡單單，反而最好，最適合我。見到老闆、同事，都只是禮禮貌貌打個招呼就得，唔似有些其他機構，要傍老細，有人會話畀你聽，傍得掂老細就掂，又要成日陪老細應酬，咪搞！」他說。諗落又係，沙膽虹見到肥佬黎，都係叫聲Jimmy，早晨，同事見到我，有些會叫句老總或張生，有些微笑一下，匆匆忙忙趕工作掂行掂過的亦不少，彼此之間亦覺得沒甚麼，總之做掂工作交到數就可以，這是肥佬黎的公司文化。記得肥佬黎十年前去台灣搞雜誌時，大樓保安見到老闆座駕駛離大樓，就馬上立正敬禮，肥佬黎見狀，就馬上叫司機停車，放下玻璃窗，用普通話說了一句：「你黐線嗎？」才叫司機開車離去！沙膽虹