民協早年成立社會服務中心，專搞社企，清潔、三行、飲食同殯儀服務都有，但大部份都蝕本。身兼民社中心主席嘅馮檢基（圖）噚日就約傳媒去紅磡嘅「刻咖啡」茶敍，講吓生意經，佢話呢間舖開業兩年幾，由最初每月蝕四、五萬到近月終於有錢賺，梗係要食番餐賀一賀。雖然呢間咖啡店近期轉虧為盈，但就有新挑戰；事關早前有個經理冇做之後，竟然喺正對面開Cafe明搶熟客，激到佢紮紮跳。