巴西前鋒侯克（小圖）嘅妹妹蘇莎（圖）喺周一疑似被綁架，但巴西警方周二表示已經搵番蘇莎，但冇透露點樣搵得番，同埋呢單係咪綁架案，話要再調查過先知，實在可疑。有報道指，22歲嘅蘇莎周一獨自坐喺私家車入面，之後被匪徒拉落車綁架。其實球員家人被綁架，喺巴西唔係第一次，羅馬里奧、羅賓奴同路爾斯法比安奴嘅屋企人，都好不幸地試過。