唔少藝人父母工作好忙，都堅持湊仔女返學，其中麥長青（麥包）同老婆平時都有一齊湊仔女。不過噚日麥包就喺微博透露老婆發生意外，佢話老婆噚日朝早湊仔女返學校，點知走時老婆揸嘅車同另一架車相撞，好彩只係輕微撞花咗車身，但麥包最嬲係撞到佢老婆個司機竟然不顧而去，所以最後佢決定去報警，誓要討番一個公道。