卸任立法會後，民主女神余若薇終於可以四圍遊埠，享受一下輕鬆生活。最近佢就去咗南韓首爾玩咗四日。去得南韓，除咗食泡菜同石頭飯，唔少人都會入鄉隨俗，着上傳統韓國服飾扮大長今，余大狀都唔例外，唔少網民見到佢嘅「大長薇」look都話like爆，覺得余大狀多咗份嬌俏。
接替陳家洛做主席
原來余大狀噚日出席咗時尚雜誌《ELLE》嘅Style Awards頒獎禮，領受「正能量精神大獎」，得獎原因係佢可以捍衞香港核心價值、並喺社會好有認受性。但八方相信，余大狀下個月後又有排忙，事關公民黨12月1日執委改選，余大狀預料會做主席，接替陳家洛專注黨務；Tanya同陳清僑就分別做副主席，相信可以為余大狀分擔吓呢頭「家」嘅重擔。