財經事務及庫務局局長陳家強一句叫人可以買股票，被人鬧爆。沙膽虹細心睇，其實佢講得唔算好離譜，佢話「股市係一個好地方引導投資，引導資金作分析，所以我喺呢度仍然好鼓勵各位投資股市嘅」，不過就反而覺得，既然他對股市有這樣睇法，為何對樓市不一樣？難道樓市不是一個好地方引導投資？難道入市買樓的都是盲目跟風炒樓？當然不是吧！不少置業用家都是算過度過，計過自己每月租金、比較過供樓利息，覺得每個月可以省下幾千一萬，勝過幫人供樓；供滿後將來退休亦可以不用為蝸居煩惱，到時衣食豐儉由人，一箭多鵰才決定買樓。但陳局長和他老闆曾俊華卻一而再把住宅樓市講到風險奇高，樓價已經與市民收入脫節，所以要連環出辣招打壓樓價，這樣不是很奇怪嗎？難道市民自己不知道自己收入有否與樓價脫節？近年連年加薪百分之四至五，又有最低工資，大大加強了打工仔供樓能力。當然，目前的兩厘樓按息率環境不知可維持多久，若然二○一五年後美國利息急升，買樓人士當然百上加斤，但加息對股市的打擊亦不會遜於房地產市場很多，既然陳家強鼓勵人買股票，亦不應對房地產大細超，亦應該鼓勵人買樓。沙膽虹