【蘋果基金撥款】人誰無錯，回頭不難，社會的門常開！循道衛理中心曾舉辦「黎明、太陽計劃」與「旭日計劃」，為懲教署轄下院所之更生青少年提供支援。該會獲蘋果日報慈善基金撥款14萬元延續服務，今年推出「抗『惑』計劃」，由過來人擔任朋輩輔導員，以親身經歷拯救年輕人。記者：談建輝
阿威（31歲）曾是叛逆少年，他坦言自幼便愛撩事鬥非，如他的名字最愛認「威」，學校只是「瞓覺」的地方！他中三輟學，賣翻版光碟搵快錢，「好景時候，一個月可以搵三萬幾蚊」。錢易搵，但法網難逃。他首次被定罪，獲法庭輕判罰款。其後再犯判入勞教中心五個月。
真實經歷具說服力
他在囚期間，認識循道衛理中心社工陳Sir，並獲對方循循善誘，引領他重回正軌，惟忠言逆耳。阿威得戚地說：「當時佢繼續搵我傾偈，但係我好多次放佢飛機，心諗睇吓你會點！」
離開勞中教心不久，阿威重蹈覆轍又被捕。他形容當時如爛泥，埋怨沒人關心他，猶幸陳Sir對他不離不棄，「我冇諗過有人會咁幫我。扣留期間，佢幫我聯絡咗好多識我嘅朋友，幫我向法庭寫求情信」。阿威最後被判監禁兩個月。
在獄中，阿威想到陳Sir的恩情，終覺悟了！他重返社會後，不敢行差踏錯，當過卡啦OK侍應生，之後轉行，得一技傍身，現已學滿師擔任燈飾工人。浪子回頭，他感慨的說：「要重新做人，脫離之前嘅環境同朋友，呢段路唔易行呀！」
過來人阿威利用公餘時間擔任「抗『惑』計劃」的朋輩輔導員，用真實的經歷勸勉仍迷途未知返的年輕人。他堅定地說：「我相信，只要下定決心，每個人都一樣做得到。」
是項計劃負責社工郭紹琳認為以過來人感染他人成效顯著，他說：「佢哋講一句，有時好過我哋講十句。佢哋行過同一條路，事實證明真係可以做到，說服力會強好多。」計劃並招募一群有志服務更生青少年的市民加入義工行列。
查詢電話：2528 6017
「社福機構專戶」捐款編號：S0006
網上捐款： http://charity.appledaily.com.hk/donate
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.appledaily.com.hk
蘋果基金收捐款戶口
恒生銀行：368-006565-001
中國銀行：012-898-00067655
滙豐銀行：580-198836-001
渣打銀行：447-0-667059-3
蘋果日報慈善基金乃根據《稅務條例》第88條獲豁免繳稅的慈善機構