陳淑蘭（蘭子）早前亮相有線《星級會客室》，當年參選港姐她坦言一心是為入娛樂圈，蘭子形容自己讀書時已很鍾意搞笑和爛gag，連老師也指她有潛質做藝人。
認方中信有小三
蘭子曾有過多段戀情，當中與方中信的四年情最令人印象深刻，她直認因有第三者才令他們分手。雖然目前仍未結婚，但蘭子自言揀男人有一手，她說：「雖然我同方中信因有第三者，但家有乜事佢一定幫手，好有義氣。」蘭子又自爆因怕被人標籤做剩女，因此想隨意找個男人結婚就算，但自信主後已開竅，的起心肝要找一個她愛的男人。
大笑姑婆蘭子在老父突然離世時，情緒大受打擊：「佢喺我出埠登台時突然過身，嗰時我好似喺好黑嘅大海中下沉。我記得嗰時仲要拍《點解香港咁過癮》，我好傷心但唔識喊，要有血先有感覺，所以試過手。」
撰文：林妃