球證卡頓保（中）風波仲餘波未了，英國《太陽報》就話，車路士遲遲未向英警方投訴呢位球證，向中場約翰米基爾（右）種族歧視，同球會撐泰利撐到底嘅風格差天共地，已經令約翰米基爾、拉美利斯等外援唔開心。另外，英超亦都公佈未來一輪聯賽執法球證，卡頓保繼續冇份，不過下周日車路士對利物浦嘅大戰，由「曼聯御用球證」韋比執法，唔知車仔迷定紅軍迷驚啲呢？