殘奧會解散成績欠佳的項目，令人反思體育到底貴乎參與，抑或攞獎？本屆殘奧會奪得硬地滾球第六名的楊曉林坦言，會方殺項目，對其他殘奧運動員造成壓力，「好驚攞唔到好成績冇得玩」。浸大體育學系副教授雷雄德認為，殘奧會的做法本末倒置，體育事業先要普及，才能在眾多選手中拔尖。
比賽助隊員重拾人生
輪椅網球隊元老阿玲入伍約廿年，回顧輪椅網球興衰，不禁眼泛淚光，「運動改變咗好多隊員嘅人生，玩咗網球之後，我哋肯定自己嘅能力」。她透露，有隊員曾遇交通或工業意外致傷殘，令意志消沉，後來透過比賽磨練鬥志，重拾積極人生；也有新秀在國際賽中嶄露頭角，運動員生涯剛起步便被叫停，甚為徬徨。
阿玲慨嘆：「喺殘奧會眼中，改變咗幾多人唔重要，獎項先至係一切。佢哋冇諗過點樣提升成績，一差就殺，香港殘疾人嘅運動就成為極少眾嘅活動」。
雷雄德認為，香港體育事業資源緊絀，着力發展有潛質運動是現實考慮，但也不能放棄運動普及化和多元化，「冇人天生係運動員，要推廣普及運動，先至搵到當中嘅精英」。他建議受影響球員嘗試接觸網球總會，看可否在總會下設立輪椅網球屬會，「有總會嘅協助，容易搵教練同方便訂場」。本報曾電郵聯絡網球總會，至截稿未有回覆。
《蘋果》記者