多謝幾位冇腰骨的港男，BMW（Blame my Wife）俱樂部幾個月以來人數不斷增加，相信湊齊兩枱麻雀腳為時不遠！父母教落，做人錯要認，打要企定，要糟糠孭黑鑊固然唔啱，奉勸各位港男唔使旨意要前度孭鑊，你知啦，BMW變咗BMX（Blame my Ex）好冇陰公㗎！
香江濔漫BMW風氣，這些年，港男對BMW和Benz的喜愛有增無減，就算在豪宅區，Samantha都見到多咗這類車在街上行駛。BMW昨日公佈，第三季純利升16%至12.89億歐元，優於市場預期，首9個月銷售中，以強國尤見突出，大升33.3%至23.7萬部。
強國在限購令下，寶馬的銷情較其他豪華房車耐跌，價格依然企硬。Thomas曾講過，揀老婆唔需要太靚，出得廳堂就得，入得廚房係Bonus，睇怕同揀車要求差唔多，最重要夠穩陣夠百搭。再有錢啲，當然買多架法拉利，唔明？問萬科的王石。
Samantha
本欄逢周一、三、五刊出