曼城前鋒巴洛迪利（左）自恃係領隊文仙尼（右）契仔，喺曼城真係任意妄為，佢女友拉菲娜預產期係今年聖誕節附近，有傳巴神準備向球會申請兩個星期假侍產。英超唔同意甲，聖誕節不單冇歇冬，仲有連番大戰，雖然對手只係雷丁、新特蘭，但快車期兵源都好緊張。巴神咁有性格，到時偷偷地離隊都有可能。但曼城官方其後澄清巴神並無向球會請假。