美劇《O.C.》女星米莎芭頓（Mischa Barton），噚日成個貴婦look喺澳洲出席墨爾本賽馬盃嘅活動，佢仲做埋頒獎嘉賓，將個獎盃頒畀今次比賽隻馬王。最邪嘅係，呢隻馬王好識畀反應，一見到米莎同個獎盃，就即刻笑到烚熟狗頭咁，唔係，應該係烚熟馬頭先啱。米莎見到隻馬識得笑住搶佢鏡，佢又立即笑到四萬咁嘅口，就出現咗人馬鬥笑嘅場面。今次活動仲出動埋直升機接載嘉賓，夠晒高貴。
