今年聯盟嚴打插水，估唔到開季唔夠一個月，咁快就捉到球員違規。而呢兩位將會「名留青史」嘅球員，就係木狼嘅貝里亞同騎士控衞D史隆，仲已經收到聯盟警告㖭。木狼教練艾杜文知道就梗係扯火啦，話唔明點解有人要賽後睇番重播，先決定到球員係咪扮嘢。點都好，如果兩位球員再犯嘅話，就唔係口頭警告咁簡單，下次要罰錢㗎啦！