電視小生「天真仔」演技越嚟越精湛，仲好有觀眾緣，所以每部劇集收視都唔錯，天真仔唔止事業得志，同老婆嘅感情仲好好㖭，一家幾口樂也融融，不過，關仁聽聞佢以前唱歌時，後生又靚仔嘅佢為人都幾花弗，唔止有好多女對佢嗒糖，仲好鍾意去揼邪骨享受溫柔鄉，而且次次都指定一位小姐服侍，呢位小姐嘅身材同佢家嘅老婆差天共地，關仁都估唔到佢口味變化得咁大，最終會揀老婆呢類型女人做終身伴侶，所以話情人眼裏出西施，真係唔到你唔信，好在佢兩公婆家鬼咁恩愛，天真仔成家立室之後修心養性，變咗一個絕種好男人。撰文：關仁