李亞鵬發起嘅Coart亞洲青年藝術活動日早前喺雲南麗江舉行，最引人注意嘅係王菲同李亞鵬嘅6歲囡囡李嫣，首次舉行名為秋天裏的童畫個人畫展。為咗表示支持，兩公婆都有到場，王菲仲時刻都孭住個寫住嫣設計嘅布袋行嚟行去。前日王菲同李嫣坐飛機離開雲南時，就有網友影到李嫣，見到佢越大越可愛，王菲依然孭住同一款環保布袋。